Vri'jhied en gelok

Weeromme naor Gedichten
Weeromme naor Stellingwarfs
Home


Vri'jhied en gelok

Vri'jhied om geboren te wodden hej' niet
en dan ok nog op De Hoeve...
en dan vlak veur de oorlog...
de schoele geft je ok de vri'jhied niet
baenties baenties baenties
wark zat mar gien vri'jhied
onder dienst praoten ze d'r ok alliend mar over
oorlogvoeren veur vri'jhied
vri'jhied

Gelok verdien ie of dwingen et of
een flinke vrouw is zoe'n gelok
et westen leek dat ok mar bleek et niet te wezen
verstaand van keze mar dat moet je liggen
een slimme vrouw die zels pepieren haelt
heur tied veer veuruut
al bin de tieden nog zo slecht
et is beter baos as knecht
liever tachtig uren in vri'jhied winkelman
as veertig bi'j een baos in dwang
vri'jhied en gelok

de grote jonges kommen opzetten
gien plak meer veur klein-winkelman
een betien winkel en een betien baentiesman
och ie moe'n toch wat
et echte wark
de echte vri'jhied
et waore gelok
dat was aovens nao vuuf ure
besturen regelen orgeniseren
gelok in vri'jhied en dat
leverde ok nog es een lintien op
een leven van vri'jhied en gelok


© Piet/er Bult

Introduktie veur Huus en Hiem (RWC)