Waeterlinie
Weeromme naor Gedichten
Weeromme naor Stellingwarfs
Home
Waeterlinie
Deur ieswaeter ontstaon
tot sliek en draslaand wodden
et laand van Stellingwarf
as bojem van et waeter
twie sroompies hullen staand
de Lende en de Kuunder
van oolds woeste stromen
deur hoogveen en geel zaand
mar daor waor meensken wonen
komt zonder mis gekilster
alleman wil et zientes numen
gevecht om et dreuge laand
van Zuderzee tot Ni'jeschaans
om Friezen te bescharmen
tegen et monster Bommen Berend
mar die kende gien erbarmen
de strieders in de schaansen
van Sliekenborg tot Bekhofstille
alles onder waeter zet
deur stuwen en deur dammen
et gevecht mos leverd wodden
een teniel van oorlogvoeren
et was allemaole neudig
veur de vri'jhied van vandaege
wat hewwe d'r mit wunnen
biwwe wat wiezer wodden
nog altied wodt d'r vochten
om ieder stokkien laand
lao'we et niet vergeten
en beter maeken as et was
wi'j kun et niet verzaeken
beweren veur et naogeslacht
© Piet/er Bult
Veur de Stellingwarfse film 'Waterlinie'