Waeterlopen

Weeromme naor Gedichten
Weeromme naor Stellingwarfs
Home


Waeterlopen

D'r hong een grauwe dieze
twieduzend jaor leden
over et roezige waeter
leup een bekende heer

D'r gong een hoolten botien
twieduzend jaor leden
over et roezige waeter
lag een duustere naacht

D'r reup een zwaore stemme
twieduzend jaor leden
over et roezige waeter
geluud van volge mi’j

D'r hangt een grauwe dieze
van twieduzend jaor leden
d'r wodt nog altied reupen
geluud van volge mi’j
over et roezige waeter
en et verdomde laand
ik geleuf et
ikke niet


© Piet/er Bult

Vri’j naor Matteüs 14:26-31