Wegcieferen

Weeromme naor Gedichten
Weeromme naor Stellingwarfs
Home


Wegcieferen

Wi'j' even veur mi'j naor de bakker?
Jaowel, mar ik moet eerst nog even...
wat schrieveri'je veur de kraante op de busse doen!

Wi'j' even veur mi'j naor de slager?
Jaowel, mar ik moet eerst nog even...
een telefoontien mit die man van klup ofhaandelen!

Wi'j' even veur mi'j naor de melkboer?
Jaowel, mar ik moet eerst nog even...
naor iene van schoele, en naor iene van de meziek!
dan moe'k nog even naor iene van de kabberet en
veur de kommende dodenherdenking moe'k ok nog wat regelen.

Wil ie even veur mi'j naor de ...?
Jaowel, mar ik moet eerst nog even...

Jezels wegcieferen
mar altied klaorstaon veur aanderen

Och, wil ie vandaege stofzoegeren?
Jaowel, mar ik moet eerst nog even...
naor iene van de krontjongklub!

Och, wil ie vandaege et eten koken?
Jaowel, mar ik moet eerst nog even...
naor iene van de gimmestiek!

Och, wil ie vandaege et eten koken?
Jaowel, mar ik moet eerst nog even...

Jezels wegcieferen
mar altied klaorstaon veur aanderen

Gien wonder dat zokke meensken een
medallie in goold verdienden

Jezels wegcieferen
mar altied klaorstaon veur aanderen


© Piet/er Bult