Blauwe hortensia

Weeromme naor Rilke
Weeromme naor Klassiekers
Weeromme naor Stellingwarfs
Home


Blauwe hortensia

Zoas et laeste gruun in de varfpot
bin de dreuge blaeder rimpend en dof
aachter blossemscharms, die et blauw
niet op heur dregen, mar van vere spiegelen.

Ze spiegelen et betraond en
as wollen ze et mar weer kwiet;
en as in oold blauw briefpepier
zit ok dat geel, violet en grauw.

Verwusken as een kienderschölk
versleten en niet meer dreugen wodt:
wat vuult dit kleine leven kot.

Mar opiens schient et blauw him te verni'jen
in iene van de blossemscharms, en ie zien
een roerend blauw bliede as een gruun toe kieken.


© Piet/er Bult (vertaeling)