Borghese

Weeromme naor Rilke
Weeromme naor Klassiekers
Weeromme naor Stellingwarfs
Home


Romeinse Fontein

Borghese

Twie bekkens, et iene boven et aandere uut
vanuut een oolde marmerraand, mooi rond,
en uut et hogere waeter stille naor onderen gaond
naor de plasse die beneden te waachten ston,
alliend mar stillegies tegen et zaacht gepreuvel,
zienlaotend, as ‘t waore in de holle haand,
aachter et gruun en donker stiekem de hemel,
as was dat ien of aandere onbekende raand;
himzels hiel rustig vulend in de mooie schaole,
him zonder heimwee rontien nao rontien verbriedend,
een inkelde keer alliend mar dromerig en drupsgewieze
him an de mosgedienen daelelaotend in de
twiede spiegel die zien bekken zaachte van onder
glimken lat in et spul van locht en duuster.


© Piet/er Bult (vertaeling)