Juni

Weeromme naor Rilke
Weeromme naor Klassiekers
Weeromme naor Stellingwarfs
Home


Juni

Dit is de tussenzoemer, huvering
tussen twie hiete aosems, rimpels
in de regen op et schuredak
in de hemel. Gien geliefde
doden die je es verrassen
mit een levensteken

Dit is een vremde tied, zo vol
van vremd geluud. Overdag geroes
van schippen in de klaeterjaeger en
naachs slingeren de rails en wissels deur de takken, en bonken
vere treinen op et blad

Vlak veur de ni'je wende dus
ploegen mien voeten, loodzwaor.
As grieze mannen deur et grint
tussen bomen, tussen schuren.
Vloedlijn in de kneup raekt
tot laand van aachtertunen

Dit is de tussenzoemer. Mar dommiet
za'k wakker wodden in een groezelig
hotel, schokkend, zieverend
in de aarms van een straotmeid
Tegere mit heur doodgaon. Tegere
mit heur vliegend in de zunne


© Piet/er Bult (vertaeling)