De Liendeboom

Weeromme naor Lieten
Weeromme naor Stellingwarfs
Home


De Liendeboom

Butendeure bi'j et pompestap
daor ston de oolde Liendeboom
ik droomde in zien schaad
zovaeke een hiele mooie droom
en ik karfde in zien dikke bast
een protte lieve woorties
a'k bliede of wat droevig was
hi'j trok mi'j altied an

De hieltied mos ik zwarven
ok deur de duust're naacht
en doe he'k daor es in 't donker
mien ogen stiefdichte daon
en heurde ik zien takkies roezen
krek as ze zeggen wollen
kom toch bi'j mi’j, ie zwalker
bi’j mi’j vien ie je rust

De koolde wiend die blaosde
mi'j recht in et gezichte
et mussien wi'jde mi’j van ‘t heufd
ik keek d'r niet iens naor omme
now bin 'k al een hiele tied
veer vot van die oolde boom
mar altied heur ik him nog roezen
bi’j mi’j vien ie je rust


© Piet/er Bult (vertaeling)

Onderdiel van Franz Schubert
zien ‘Winterreise’ Opus 89 nr. 5