Gezang 454

Weeromme naor Lieten
Weeromme naor Stellingwarfs
Home


Gezang 454

Wat zol ik zonder Jow west wezen,
hoe zol ik zonder Jow bestaon?
Ik zol as prooi van angst en vrees wezen
en ienzem deur de wereld gaon.
Mien liefde taastte in de bliendens.
Een ofgrond lag in et verschöt.
En waor zol ik een trooster vienen
die wark'lik wus van mien verdriet?

Een diepe naacht zol mi'j omvaemen
waornao gien bliede morgen daegt.
Ik wodde verteerd deur wild verlangen,
deur 's levens maelsroom wegvaegd.
Ik zol alliend wezen, van et now
en van de toekomst onwisse.
Wie kan d'r aorden hier beneden
as d'r gien eupen hemel is?

Mar Christus gaf mi'j tael en teken
en ik bin wis van zien stemme.
De naacht is veur et locht weken,
et grondloos lot krigt zin deur Him.
Now wor ik meenske, herkrieg mien vri'jhied
bi'j waeter, woord en brood en wien,
omreden ik weet van zien naobi'jhied
waor twie of drie vergeerderd bin'n.

Gao uut in wegen en in velden
en breng verdweelden bi'j oons thuus.
Riek heur de broederhaand en zeg heur:
De Keuning nuugt jow in zien huus.
Deur et geleuf zien wi'j et waore:
de iewighied vervult de tied.
En iederiene mag dat erveren
die Christus' naeme mit oons belidt.


© Piet/er Bult
Vertaeling uut et Nederlaans van Gezang 454