Bosschoppen

Weeromme naor Verhaelen
Weeromme naor Stellingwarfs
Home


Bosschoppen

- Wi'j' mit me naor boven?
- Wat zeg ie mi'j now?
- Ik vreug aj' mit mi'j naor boven willen.
- Ae jonge...
- Now kom op dan.
- Nee.
- Waoromme niet?
- Now, dat doej' toch niet, zo vlak veur ‘t eten.
- Ae... wat kan oons et schelen, hoe laete et is.
- Nee heur, now niet.
- Mar ik hebbe d'r zoe'n zin an...
- Kan wel wezen mar we doen et now niet.
- 'n Ketiertien mar.
- Nee-ee...
- Veurige weke woj' nog wel; d'r is toch niks?
- Nee heur, d'r is niks.
- Now dan, kom op juh.
- Ik zeg toch nee. 't Is trouwes al haost halftwaelf.
- Now, en, dan hewwe et toch wel even an tied.
- Ja, ik ken dat mit jow. Awwe now naor boven gaon dan biwwe daor over 'n ure nog.
- Nee heur. Ik beloof je dawwe mit een ketier weer beneden staon.
- Now, ik doe et lekker niet. Ikke doukies mit een dik lief an de eterstaofel. Daank je de koekkoek, nee vandaege niet.
- Dat dikke lief, dat zal wel wat toevalen.
   (...)
- Wi’j’ een mooi reengien van mi’j hebben?
- Ja, dan moe’k now eerst mit je naor boven zeker.
- Nee heur. Nee, ’t is mi’j al over. Ik hoef al niet meer!
- Now, gelokkig mar want kiek, daor komt oons moeke ok krek an.
- Now dan kuwwe ok wel even mit oons driejend naor boven gaon.
- Ae jonge, ie weten toch wel dat oons mem daor al hielendal niks van hebben moet.
- Daor zo’k nog mar niet zo wis van wezen. Ik bin hier al es vaeker mit heur naor boven west, heur.
- Om disse tied henne zeker.

Moeke: Hoj. Ok an ’t bosschoppen? Gaoj’m even mit naor boven, dan trakteer ik op een kop koffie mit wat lekkers d’r bi’j (in ’t resteraant).


© Piet/er Bult