Lot en zien beide dochters (Gen 19:31-36)

Weeromme naor Verhaelen
Weeromme naor Stellingwarfs
Home


Lot en zien beide dochters (Gen 19:31-36)

Op een dag zee de ooldste dochter tegen de jongste:
"Oonze vader is al oold en in disse hiele kontreinen is d'r gien iene kerel meer die mit oons doen kan, wat op de hiele wereld de gewoonte is. Lao'we daoromme oonze vader dronkend voeren en mit him slaopen, dan kuwwe kiender van him kriegen."
Diezelde naacht nog gavven ze heur vader wien te drinken, en de ooldste sleup mit him, zonder dat hi'j d'r ok mar wat van vernam dat ze bi'j him kwam of naotied votgong. De aanderemorgens zee de ooldste tegen de jongste:
"Vannaacht heb ik mit mien vader slaopen. Lao'we him de ankem naacht ok weer dronkend voeren, en dan moet ie mit him slaopen. Dan kuwwe allebeide kiender van oonze vader kriegen."

Die naacht gavven ze heur vader ok weer wien te drinken, en sleup de jongste mit him, zonder dat hi'j d'r ok mar wat van vernam dat ze bi'j him kwam of weer votgong. Zo raekten Lot zien beide dochters zwaorboeks van heur vader.


Zoks is toch mal gaon in die tieden! Buten de vraoge as et 'technisch zien' warkelik wel zo makkelik kan om een man eerst (haaost) dronkend te voeren en dan 'naachtwille' mit 'm te hebben - en et beide keren in ien keer 'bingo' is - is 't ok nog mar de vraoge wat d'r van zokke kiender terechte kommen zal. Et verhael komt oons dan ok wel stark over, alderdeegst...

Ik geleuf et, ikke niet...


© Piet/er Bult