Oolde man, jong ding

Weeromme naor Verhaelen
Weeromme naor Stellingwarfs
Home


Oolde man, jong ding

- Koj’ now nog?
- Ik heb mien borreltien nog niet had.
- Ae, ie altied mit je borrelties. Now, ik weet niet wat ie doen mar ik begin vaaste, ik wil dommiet nog even naor de stad.
- Hoezo, naor de stad. Hej’ mit iene wat ofpraot?
- Dat giet je niks an.
- Dat gaot mi’j alles an.
- Dat ie daor mar wat in je stoel zitten, dat moej’ zels weten mar ik bin nog jong, ik wil nog wel es wat aanders as in dit van God verlaoten oord de hiele dag mar verhaelties zitten te schrieven. Ik wil die verhaelties beleven; zels mitmaeken.
- Och maegien, waor zuj’t now beter kriegen as hiere? Mar as ie zo neudig et biest uuthangen moeten in de stad, dan moej’ dat veural doen. Aj’ mi’j eerst nog mar even een borreltien inschinken. En laot dat eten vandaege dan mar zitten.


© Piet/er Bult