Brulloft in Kana

Weeromme naor Biebel
Weeromme naor Stellingwarfs
Home


Brulloft in Kana (Jehannes 2:1-11)

¹ Op de dadde dag was d’r een brulloft in Kana, in Galilea. De moeke van Jezus was d’r, ² en Jezus en zien leerlingen weren ok op de brulloft uutneudigd. ³ Doe de wien haost op was, zee de moeke van Jezus tegen him: "Ze hebben gien wien meer." ⁴ "Wat willen jow van mi’j?" zee Jezus. "Mien tied is nog niet kommen." ⁵ Doe zee zien moeke tegen de bedienden: "Doe mar wat hi’j jim zegt, wat et ok wezen mag." ⁶ Now stonnen daor veur et Joodse zuveringsgebruuk zes stienen waeterbakken, ieder mit een inhoold van twie tot drie metrete. ⁷ Jezus zee tegen de bedienden: "Doe die bakken vol mit waeter." Ze deden ze tot de raand toe vol. ⁸ Doe zee hi’j: "Schep d’r now wat uut, en breng dat naor de ceremoniemeester." Dat deden ze. ⁹ En doe de ceremoniemeester et waeter dat wien wodden was, pruufde – hi’j wus niet waor et weg kwam, mar de bedienden die et waeter opschept hadden wussen et wel – reup hi’j de breugeman ¹⁰ en zee tegen him: "Iederiene zet zien gaasten eerst de goeie wien veur en as ze dronkend binnen de minder goeie. Mar jow hebben de beste wien veur et laeste beweerd!" ¹¹ Dit het Jezus in Kana, in Galilea, daon as eerste wonderteken; hi’j toonde zo zien groothied en zien leerlingen geleufden in him.


© Piet/er Bult