Arfelik bezit en huwlik
Weeromme naor Essays
Weeromme naor Stellingwarfs
Home
Arfelik bezit en huwlik
Muuilike kwessie in Numeri 36
01 De femilie-ooldsten van et geslacht dat ofstamde van Gilead, de
zeune van Machir, de zeune van Manasse, iene van de geslachten die van
Jozef ofstamden, kwammen naor Mozes toe en legden him en de leiders en
femilie-ooldsten van de Israëlieten dit veur:
02 "De Heer het jim opdreugen, heer, om et laand deur lotting onder de
Israëlieten te verpatten en om dat wat oonze stamgenoot Selofchad
toekwam, an zien dochters te geven.
03 Mar stel now dat zi’j trouwen mit een Israëliet uut een aandere
stamme, dan zol heur eigendom ontneumen wodden van et bezit van oonze
veuroolden en toevoegd wodden an et bezit van de stamme waor zi’j dan
toe heuren zollen; et zol ofneumen wodden van dat wat oons deur lotting
toewezen is.
04 En as de Israëlieten dan een jubeljaor vieren, zol heur bezit
veurgoed toevoegd wodden an et bezit van de stamme waor zi’j dan toe
heuren zollen en van et bezit van oonze eigen stamme ontneumen wodden."
05 Op bevel van de Heer dee Mozes doe disse uutspraoke. "De
naokommelingen van Jozef hebben geliek," zee hi’j tegen de Israëlieten.
06 "De Heer het vanwegens Selofchad zien dochters dit bepaold: zi’j
meugen trouwen mit wie ze willen, as et mar iene uut een geslacht van
heur eigen stamme is.
07 Want arfelik bezit van de Israëlieten mag niet van de iene stamme
overgaon op de aandere; iedere Israëliet moet d’r veur zorgen dat
arfelik bezit binnen de eigen stamme blift.
08 Daoromme moet ieder maegien dat in iene van de stammen van Israël
bezit krigt, trouwen mit iene uut een geslacht van heur eigen stamme.
Zo kan iedere Israëliet arven wat zien veuroolden toewezen is.
09 Arfelik bezit mag niet van de iene stamme op de aandere overgaon;
iedere Israëliet moet d’r veur zorgen dat arfelik bezit binnen de eigen
stamme blift."
10 De dochters van Selofchad deden wat de Heer Mozes opdreugen hadde:
11 Machla, Tirsa, Chogla, Milka en Noa trouwden mit zeunen van heur omkes,
12 manluden uut geslachten die ofstamden van Manasse, de zeune van
Jozef. Zo bleef heur bezit binnen de stamme waor et geslacht van heur
vader toe heurde.
Ik geleuf et, ikke niet...
© Piet/er Bult